#001 24/03/2024 : மகிழ்ச்சி
மழை காதலன் அணைப்பால்
மண் பிரசவித்தால்
உண்டி கொடுப்போர் மகிழ்ச்சி!
கிள்ளைப் பேச்சு கேட்டு
மழலைச் சிரித்தால்
உதிரத்தை பாலாக்கியவள் மகிழ்ச்சி!
புகழ்ச்சி கண் மறைத்தாலும்
கடின உழைப்பால்
உச்சி சிகரம் தொட்டவர் மகிழ்ச்சி!
தேடலின் மகிழ்ச்சி
மறையுண்ட பொருளில் தான் உள்ளது
தேடு ! மகிழ்ச்சி உன்னுள்ளும் தான் உள்ளது !
அனிரா4 பார்வையில்: கவிநடையும் , கருத்துருவும் நளினமான முறையில் பயன்படுத்தப்பட்டுள்ளது அருமை. விவசாயம், தானம், தாய்மை , கடின உழைப்பு, முயற்சி ஆகிய கருத்துக்களை சிறு வரிகளுக்குள் அடக்கியது இன்னும் அழகு.
#001 24/03/2024 : மகிழ்ச்சி
வாழ வழியில்லை
என்று வலியுடன்
நிற்கதியாய்
நிற்க்கும் போது
அது யாராக
வேண்டுமானாலும் இருக்கலாம்,
நான் இருக்கேன் விடு , பார்த்துக்கலாம் !
எனும் ஆறுதலான
வார்த்தை தரும்
உணர்வே மகிழ்ச்சி !
அனிரா4 பார்வையில்: வலிநிறைந்த மனம் ஆறுதலுக்கு தேடுகையில் தக்கபலமாக ஒருவர் இருந்தால் அதுவே , மகிழ்ச்சி எனக்கூறும் கருத்தியல் அழகு.
© 2024 Anira4.in. All rights reserved.